شوية لخبطة علي المَاشي"":

مَتحاولش تبقى حد تانى

يِمكن العنوان غريب أو هو فِعلاً كِده بس ده أغلب اللي بيحصل معَانا"

يعني إيه بردو وضحي مِن فضلك !؟؟؟

_ بطريقة او بأخري أغلبنا بيتصنع شخص تاني بيرسم وش مش شبه ملامحه ،بيبلس توب مش لايق عليه أو ببساطة مِش بتاعه"

ممكن يبقي شخص غيره لمُجرد أنو حب إنسان تاني فبيحاول يرضيه بأي طريقة حتي ده لو كان علي حساب انو يمحي نفسو شخصيته و تميزه من الكون ده ، لمُجرد أنك بتمثل دور تاني ف انت هتفضل طول عُمرك محبوس جوا سيناريو ومستني رأي الجمهور طيب وفين أنا من ده كله ؟ 

فين شخصيتي فين الحاجة اللي كانت بتخلينا مختلف عن كل ده! ايوه مختلف حتي لو إختلاف مِش ملحوظ بس سبحان الله فعلاً ممكن نتشابه بالشكل ! استايل اللبس !حاجات كتير 

ماعدا الشخصية دي الحاجة اللي بتميز كل بني آدم عن التاني فتيجي أنت بِكل بساطة تلغيها بس عشان حبيت إنسان! يا سيدي ملعون أبو الحب ، طيب ما واحدة واحدة شخص ده هيحس بفرق بزهق بتصنع ،كل اللي انت حاولت تداريه هيكشف بلس يا عزيزي العلاقات مبتتبناش علي التضحية وبس ! شوفت يا راجل دي بتتتبني كمان علي التقبل ،أنا لازم أقبل عيوبك فشلك حبك لحاجات يمكن تكون مهمشة علي الكوكب بس أنا هحب ده لأنو منك بس كونك تغير ده عشان يتقبلك حد أو تمشي الليلة علي رأي محمد هنيدي ف أنت بتغلط ولما تعترف لنفسك بده ف أنت بتسوق في الغلط مش عيب تبقي بتحب الممثلة دي لأ نهائى ده أنا عشان عيونك يروحي هحبها معاك !"": فكك من حوارات الحب دي وكلام الفارغ وانا عارفة إنك مش هتسمعني ودماغك ناشفة طيب ولما بتروح تقدم علي الشغل !

 السؤال اللي تقريبا لازم في أغلب ال انترفيوهات ورخم وقريبا بيتقلك بنبرة محقققين واكتشاف عظيم

"وانا اي اللي يخليني اقبلك دون عن باقي الناس دي حضرتك هتقدم اي للشركة؟"

 وطبعا انت بكل فخر ولا كأنك كاسب دوري أوروبي

 "انا يفندم هعمل وهعمل انا ههد الشركة وابني مقر سري  بص يافندم أنا جبار ومَليش حدود"

وانت اصلا لسه متخرج ويدوب عارف تلبس البدلة بالعافية ف المجتمع كله بيحب يلبس توب مش ملكه بيحب التمثيل بيحب فعلا يبقي حد تاني غيره عشان أمور تمشي وتعدي ، تقريبا ملخص كلامي ده كان في طِير انت الفيلم ده كنت بستغربه اوي طيب هو عملك كل شئ تتمنيه ده لو كان يطول يولعلك صوابعه العشرة شمع

وعلي رأي التانية اللي مش فاكرة لمين"ايت صواعبي العشرة شموع مرضيتيش"

 كان عملها بس الفكرة انو تصنع انو بقي حد تاني غير نفسي لو كان عندو الثقة الكافية كانت هتتقبله بدون اي مجهود لو كان اتكلم من اول فيلم مكنش هيبقي في فيلم اصلا"" 

المهم حاول تبقي انت ومتغيرش جزء منك عشان حد انت تستاهل تبقي انت بدون تصنع عشان تعجب حد اللي عاوزك بغباءك ببردوك وبقرفك بحزنك بفرحك اهلاً وسهلاً

غير كده جو تو هيل يجماعة الباب يفوت عجل مش جمل ""

وطبعا ياصديقي في فرق انك تغير عيوب عشان حد أو تغير نفسك كلك، انك تغير عيب ده شئ كويس انت بتتحسن 

وفِ النهاية أحب أقول إنك تَستحق حد يِحبك كَما لو تكن اعظم انتصاراته ولكن! بشخصيتك.